Wie hebt vandage un archelogisch park in de buurte van Siracuse bezoch met doarin allemoal oole ruines van de Griekn en de Romeinen. Heel mooi um te zeen dat hier zo’n 2500 joar geleane àl toneeloetvoeringen in het amfitheater wörn ègeawn. Misskien kan de toneelclub oet Eanter “Met mekaa” hier nog iets van learn? Een Enters drama op de plaankn?
Iets veerderop he’w nog un oole kaarke bezoch met oonderaardse gewelven. In dizze catacomben bint doezenden leu begreawn. Hele gangnstelsels met kamers wörn hiervuur in de rotsen oetehakt. Bin ik blie da’k toe gennen steenhouwer was want ech fris reuk het toe beneen neet…
As leste he’w nog un aandere kaarke bezoch woer un schilderi’je van Caravaggio, un tiedsgenoot van Rembrandt, höng. Dat mo’w natuurlijk zeen! In die kaarke stön, of better èzeg, lea, ok un standbeeld van Santa Lucia, beschermheilige van de bleendn. Heel mooi fien beeldhouwwaark! Wa’k mie ofvroage of den beeldhouwer nooit un foutje hef èmaakt zodatte wier opni’js mos beginn…
