20 December 2021 – De leste keer

Vuur de leste keer he’w (de vrouwe en ikke) vanaongd mettehelpn an het maakn van de kaspakketjes vuur Hervormd Enter. Elk joar brengt wie as diaconie un kaspakketje noar de ooln en zeekn van de gemeente. Ie könt dizze pakketjes natuurlijk loatn maakn mear het is natuurlijk ok mooi en völle gezelliger a’j ze zelf maakt. En het schealt ok nog un keer in de pries. Doar bi’w ok wier geveulig vuur as Diaconie, geeld köj mear één keer oetgeewn. Wie maakt dus alle pakketjes (zo’n 120 stuks) zelf an un soort lopende baand constructie in het Dienstgebouw. Iederene stopt er un boskop in (wa’w van te vuurtn hebt innekoch) en gef het pakketje duur an un volgenden. An het eane he’j dan un compleet kaspakket wat dan linea recta noar de auto’s wordt èbrach.
En de leste keer? Noa acht joar stop ik straks in januari as diaken. Ik bin der heel drok met èwes (het is neet alleanig kaspakketjes maakn en roondbrengn) en wil de kommende tied nog wat aandere dinge doon. Tookn joar kan iemand aans op ziene eengste creatieve wijze de pinda’s in het pakket stopn. Want dat was mie oonderdeel van vanoangd. Gelukkig warn het gen chips…

Geef een reactie

Het e-mailadres wordt niet gepubliceerd. Vereiste velden zijn gemarkeerd met *