Bie oons hebt seend kortns de musken de schuure ontdekt. Zie goat op de balkn in de de schuure zittn , kwettert en twittert oawer alles en oondertusken munt ze natuurlijk ok eawn eur dagelijkse behoeften doon. Ofwàl, het wordt eene grote scheitboele op de vloere en op’n auto, woe’w natuurlijk neet zo bli’j van wordt. Oonder het motto van “Natuur is mooi mear ie munt er gen las van hemn” he’k doarumme alle steas op de balkn woer de musken op goat zittn, dichte emaakt met un stukn hoolt. Dat zol ze learnn! A’ze zo neurig munt, loat ze dan mear noar de buurn goan, dan hebt wie der gen last van. Ik binne gennen NIMBY mear un NIMS (Neet In Miene Schuure)…
