20 mei 2024 – Ketjap

Wat mu’j doon at er oe ne fleske ketjap in de köknla is ummeväln? Dree dinge, oe vuural neet hellig maakn umdat het zonne onmeunige pikboele is ewörn in de la en op de vloere (lastig), de fleske wier rechtop zettn (makkelijk) en as leste de la schoonemaakn (knap lastig). Vuural dat schoonemaakn kossen iets mear knooin dan verwacht. De ketjap zat oaweràl in de la en was ok via de nöa op de vloere lekt. Dus de la mos zo snel mogelijk oet de geleiderails wörn ehaald um ok de oonderkante schone te maakn. Meastal is zonne bevestiging èregeld via un simpel rats-klik systeem mear in dit geval mo’k ears oetveendn woe’k op mosse drukn um de la vri’j te kriengn. En aangezien ik gen slangenmens binne den zich met het grootste gemak in alle bochen kan wringen (in tegendeel…), he’k mear un foto van de oonderkaante van de rails van la èmaakt. Hiermet koonk ongeveer oetduutsen welke knöpkes der allemoal zatn en woer’k op konne drukn um de la oet ziene geleiderails te haaln.
Het is mie elukt um op dizze maneere de la der oet te kriengn en schoone te maakn. Ik deanke wàl da’w de kommende tied weinig ketkap zölt gebroekn. Ik heb vandage mear ketjap èzeen as aans in un heel joar. Ik heb ter un boek good vol van (figuurlijk dan…)!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *