Op oons dagelijkse ommetje komt wie dit pleantje teangn wat leage op de groond oonder de beume greuit. Het lik op un botterbloome mear is het neet. Noa un betje Googlen kwam ik der achter dat dit speenkroed was, een van de eerste bleuiers in’t vuurjoar. Un naam is offeleid van de knölkes, die de vorm van un spene hebt. En speenkroed is wà wier femilie van de botterbloome.
Dizze plaante hef natuurlijk ok wier völle heilzame werkingen. Zo zitte bievuurbeeld bastensvol met vitamine C. Ie könt de blaa dan ok gewoon ettn in plaats van den dagelijksen zoern sinaasappel. Dat mu’j dan wà doon vuur datte begeent te bleuin, want dan wordt de blaan bitter en giftig. Aanders wordt de dagelijke dosis vitamine C der net een te völle.
En moch ie las van aambein hemn, un paar keer striekn met de blaa langs ‘t gat (of aandersumme) en weg bint ze…
