21 juli 2021 – Heidelberg

Heidelberg is un stad met de öldste universiteit van Duutslaand, en dit was volgens de zönne dan ok un reden um dizze stad met un bezeuk te vereren. Dus vandage he’w Heidelberg, idyllisch gelegen  an de Neckar, bezoch. Het is oold pleatske met un aarg lange weenkelstroate.  Opvallend was is het grote antal oole gebouwn in dizze stad. Het is in’n lessen oorlog neet kapot bombardeerd dus doar steet nog heel völle van vrogger. Alhoewel vrogger… Tiedens de neengjoarige oorlog van 1688 tot 1697 is de hele stad, inclusief het kasteel volledig verwoest duur de soldoatn van de Fraanske koning Lodewijk XIV. In heel de Palts, woer Heidelberg lig, bint toe twintig grote plaatsen met de grond gelieke maakt duur de Fraansken. Toe konn ze der ok wat van!  Het is doarna neet mear ech goodekömn tusken de Duutsers en de Fraansken. Het kasteel is seends die tied één van de bekeandste ruines in Duutslaand.
Wie hebt oons vandage as echte toeristen gedreangn, want wie hebt un bezeuk an het kasteel brach, inclusief zien wienvat van 100.000 liter (moch ie dös hemn…), hebt probeerd het universieteitsmuseum te bezeukn (was neet meugelijk) en hebt ok nog un roondvaart op de Neckar emaakt. Volgens mie bi’w no à riepe um straks met oons pensioen un ‘originele’ Rijnreis te maakn…
As leste he’w vandage wat edreunkn en egetn in un ech Duuts Brauhaus. Alleanig het dunkeles beer veunn wie wat meender a’w dachten. Dus dat he’w gauw duureslökn en wie bint met un Weizen veerder egoan…

21 juli 2021 c
Het kasteel

21 juli 2021 b
Oetzich op de stad vanof het water

21 juli 2021 d
De oole brugge

21 juli 2021 f
Un wienvat van 100.000 liter

21 juli 2021 e
Prachtige schaaltjes en bordjes vuur op de kaste…

21 juli 2021 a
Ein dunkeles bier

Geef een reactie

Het e-mailadres wordt niet gepubliceerd. Vereiste velden zijn gemarkeerd met *