Op 20 september van vuurig joar schreef ik oawer un multifunctioneel voogelhuuske. Vandage zag ik dat het huuske inmiddels esloopt was. Het ‘interieur’ lea op de straote. A’j der wat dichter bie goat stoan, want de hoornaars bint inmiddels weg, dan verwoondere ie oe oawer de precisie hoe dit in mekaa is ezet. Elk hökn is eawn groot en precies zeshookig. Het past precies in mekaa. Hoe zoln ze dit toch vuur mekaa hemn ekreang zoonder duumstok en aander gereedschap? Wie, as leu veend het al meuilijk om un schilderi’ke waterpas an de muure te hangn. Vake he’j der twee spiekers vuur neurig umdat un earsen al compleet verkeerd in de muure is ehouwn duurda’j neet de goede afstaand harn emettn. De wespen doarenteangn zet eawn un heel symetrisch en strak nöst in mekaar zoonder zich te vergissen in de moatn. Het past precies in mekaa. Doar köw dus nog wàl iets van learn. Ik binne ech beni’jd hoe ze dit vuur mekaa kriengt!
