Het fluitenkruid begeent wier te bleuin in’n baarm van de weg. A’j der good op kiekt is het mooie samengesteld plaante. Elk bleumke zit in un schaarmstrale en tusken de acht en viefteen schaarmstraaln vormt bie mekaa wier un schaarm. En een plaante hef wier meerdere schaarmen. Ik konne gennen Tweantsen naam vuur dizze plaante veen’n, mear den zal der ongetwiefeld wean. Wa’k wàl konne veendn is wuurumme het fluitenkruid het. Van’n holln stengel köj namelijk un fluitje maakn. Kiek, dat is wier nuttige informatie, doar köj un dag met duur…
