Het is vandage un lesten dag van de vakaansie, dus het most er nog eawn van goan. Wie hebt doarumme Spiers ofwà Speyer bezoch, bekeand van ziene oole binnstad en van ziene kaarkn. Un dom he’w natuurlijk as earste bezoch. Zie bint in 1200 à beginn te bouwn met un dom, den in 1689 in de neengjeurige oorlog duur de Fraansken in braand wörn estökn (met de rest van de stad erbie). Wa’j op’n foto zeet stoan is dan ok van lateren doatum. Neetemin wasse aarg indrukwekkend. Het is de grötse kaarke in romaanse stijl ter wereld. In de crypten (de gewelven) oonderin ‘n dom learn nog de graven van veer Salische keizers. He’w natuurlijk ok nog bezoch.
Iets veerderop stön de protestaanse Gedächtniskirche. Den is in neo-gothische stijl ebouwd an het eane van de 19e eeuw as herinnering an het protest teangn de herroeping van de vri’jheid van godsdienst op un Rijksdag van Spiers in 1529 (wat ne zinne). Un protestkaarke dus. De roomsen warn helemoal neet zo blie met dizze kaarke en zie hebt liek teangoawer de Gedächtniskirche as protest wier un aandere kaarke ebouwd . Un soort van Gedächtnis-Gedächtnis Kirche….
Kiek, en zo bliew ie an het bouwn. Ik deanke dat de bouwbedriewe eind 1800/begin 1900 goeie zaakn dean in Spiers…
Un dom van Spiers
Un dom an de achterkaante
Un dom an de binnkaante
De binnkaante van de Gedächniskirche
Het oole centrum