Geplaatst op door Kroaks Henk

24 april 2024 – De bötjes van Santa Lucia

Ortigia is het oole gedeelte van Siracuse. Het lig op’n eiland (verbeundn met un brugge) en steet natuurlijk vol met heel oolde gebouwn etc. De meuite weard um te bezeukn, veundn wiele en doarumme bi’w der vandage hen èwes. De foto’s vertelt het verhaal.

Duurkiekje op de smalle stroatjes van Ortigia
Un kathedraal is ebouwd op de fundameantn van un Grieksen tempel. De Dorische zuilen van’n tempel maakt deel oet van de leenker mure van’n kathedraal.
De Dorische zuilen van un ooln tempel
Un duurwachter zöt het eawn neet zittn
Binnin’n katedraal was un speciale kapel vuur Santa Lucia, de beschermheilige van de bleendn. Santa Lucia is vermoordt met un dolk in’n haals, wat heel plastisch wordt oetebeeld op schilderi’jn en beelden.
De bötjes van Santa Lucia (leenker opperaarm)
Madonna met Kind oet eind 13e eeuw.
Mooi typisch Siciliaans pandje
En nog un kaarke…
Un heel oole zeutwaterbronne (Fonte Aretusa) den àl duur de Griekn wörn gebroekt.
Àlwier un groot standbeeld van Icarus. Den hef hier bliekboar völle indruk 🙂 èmaakt. (“Icarus just left the building”)
Oonder dizze kaarke lear un ingaank noar dree verdeepinge grotn met o.a. de catacomben en un jödse rituele wasplaatse
Welkom in de catacomben!
In’n Tween Wereldoorlog wörn de catacomben gebroekt as schoelkeelder. En a’j doar dan zit, dan mu’j natuurlijk wàl eawn iets teakn op de mure
Un ritueel bad vuur jödse vrouwn oet 1200. De jödn wörn in 1400 duur de Spanjaardn verjag oet Sicilië. Dit bad beveendt zich dree verdeepinge oonder de groond (deepe in de rotsen)
Un ooln Apollo-tempel in centrum van de stad
Un archeologische veendplaatse van un ooln Grieksen tempel. oet 500 v. Chr. Volgens mie is het gewoon un stukke beton wat ze schone heb emaakt…
De Artemis fontein (den helemoal neet zo oold is…)
De visboer (de gezonde apotheek) was’t er ok nog.
Het was’t er good nat!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *