3 april 2021 – Un schorsteen as herinnering

Vanmiddag bi’w eawn noar Löwik in’t Venne èwes um te kiekn naor meaubeln.  Den zit in de oole melkfabriek  den helemoal verbouwd is. Alleanig un schorsteen, met appat metselwaark steet er nog. Vrogger was dit de melkfabriek “Ons Belang”. Ik heb un filmpje oet 1957 op’t internet oppezoch wat löt zeen hoe toe de melkverwerking (inclusief het melkn) gung. Filmpje: Oole melkfabriek in 1956. Het vaalt mie op dat de beeste nog wàl beste geers harn en dat de automatisering in de fabriek veerder was dan da’k dache. Later is de melkfabriek oppegoan in Coberco en wörn het un keazefabriek. Doar geet het volgende filmpje oet 1986 oawer, un half joar vuurdat de fabriek definitief dichtegung: Keazefabriek in 1986. Wat oawerblif van de zuivelindustie in’t Venne bint alleanig de beelden en un schorsteen. Ik vroage mie of hoelange un naam Coberco nog bie de leu blif hangn…

3 april 2021

Geef een reactie

Het e-mailadres wordt niet gepubliceerd. Vereiste velden zijn gemarkeerd met *