Elk lämke dat geboorn wordt, krig direct een uniek oormaark, dat wordt innevoerd in’n computer. Zo köj biehooln woer te van is en hoe oold datte is. Een heel goeie zaak, want in geval van zeektes köj direct nogaan woer het schoap van is en wat er allemoal met is gebuurd.
Sommige leu (neet de klooksten) denkt dat dit ok geet gebuurn met de corona- vaccinaties. In plaats van een oormaark kriej dan een chip innespuit woer alle informatie van oe goan en stoan wordt vasteleg. Dit is natuurlijk grote flauwekul, mear um die leu tegemeute te komn is mie vuurstel um un oormaark te gebroekn. Iederene krig een groot gel groot oormaark in de oorn woer dan tegeliekertied wat coronavaccin op is èsmeert. Is ok direct duudelijk da’j bint ‘vaccineerd”…
