De vuurbereidingen vuur het ni’je tuinseizoen bint àl in volln gaank! Ik heb vandage, noa het eclatante succes van ofgeloopn joar, un knoflook wier èpot. En ik heb dizze kear gen één bolletje, ok gen twee bolletjes, mear dree bolletjes met teentjes in de groond èdrukt. Het mag was kossen, dat tuiniern…
Ps. Wus ie dat het eagenlijk kloflook is in plaatse van knoflook? Alleanig die twee “l’s” warn un betje meuilijk oet de strotte te kriengn (weus èschreawn), doarum wörn het in het taalgebroek “knof” in plaatse van “klof”. “Klof” slöt op de ruumte tussen de teentjes van’n bol, un kloof, dat wier gerelateerd is an “kloven” en “klieven”. Het tweede deel van’n naam “look” is un algemenen naam vuur un plaantngeslachte van bolgewassen, woer ok de siepeln en de bieslook toe beheurt.
