A’j dachen dat het slecht geet met de vlinders dan he’j het mis. Doar zit er genog bie oons. Nöast het klein geaderd witje zee’j ok de kleine vuurvlinder (un boangsen foto) en de dagpauwoog (un oondersen foto). Het apatte is dat de kleine vuurvleender juust hoold van schraal gröslaand (dus weinig stikstof) en dat de dagpauwoog vuural leawt in de buurte van braandnetteln (völle stikstof) umdat dat de waardeplaante is vuur ziene roepn. Wat zol dan un readn wean da’k ze allebeide zee bie oons? He’k het wàl tregte met de bemesting? Toch mear un keunsmest iets better verdeeln oawer het grös? Gelukkig leas ik in de kleine lettertjes vearderop dat ze allebeide ok hoolt van bleuiende tuinplaantn. En die he’w der genog stoan…
