30 juli 2020 – Geelderse roze

In’n hooltwal zag ik vandage dizze beazen hangn. Ik wusse neet welke struuke dit was, mear met behulp van Google Lens bi’k ter snel achterkömn. Foto maakn, Google Lens loatn dreein (zit in Google Foto’s) en hee keump dan met un antal suggesties. In dit geval geet het um de Viburnum Opulus ofwàl de Geelderse roze. Via un link köj het hele verhaal van dizze struuke noleazen.
Oonderstoanden foto hef un gespikkelden achtergroond. Mog ie nò deankn, gòh, wat keunstig en appat, dan he’j het verkeerd… Het lik mear dan dat het is. Ik heb de blaan op het dak van’n auto van de vrouwe leg. Un spleenterni’jn wittn auto (veer wekke oold) den echter àl helemoal onder de vleengnstront zit. Dat kriej aj op het plaatelaand wont. De lusten mear ok de lasten…

30 juli 2020

30 juli b

Geef een reactie

Het e-mailadres wordt niet gepubliceerd. Vereiste velden zijn gemarkeerd met *