30 juni 2021 – Bron van frustratie

Zeet hier, de bron van miene frustratie. De leste wekn he’k de hele tied gedoo ofwà gedonder met un grösmeaier. Het begun met un accu en het startrelais. Un meaier wol neet mear anpakn, hee dea niks mear.  Dat he’k mear loatn repareern. Doarno brök mie het tandwiel (van’n bendix) van’n startmotor in bölle. Um het neet te duur loatn wörn dach ik da’k via internet wà un goedkoop exemplaar konne bestelln. Helaas bleek dat goedkoop neet aaltied de beste kwaliteit leawert, want dat tandwiel gung mie noa een paar keer meain ok wier kapot. Dus vandage he’k ter un origineel tandwiel oppekreangn. Ikke blie, mear nò löppe wà mear meait’e neet. Elke keer a’k het meaigedeelte in waarking zette, stopt un motor direct. Dus vandage he’k nog gennen meter emeaid. Morn mear eawn met un grösmachien’nkearl belln. Miskien hef den nog goeie ideeën, want het grös greuit bie oons steurig vedan. Dat hooldt gen rekkening met kapotte meaimachien’n…

30 juni 2021

Eén antwoord op “30 juni 2021 – Bron van frustratie”

Geef een reactie

Het e-mailadres wordt niet gepubliceerd. Vereiste velden zijn gemarkeerd met *