30 juni 2024 – Deepe en duustere wouden

Wie hebt vandage wier un barre wandeling emaakt duur de deepe en duustere Poolse wouden. Het was vandage 35 groadn, en wat köj dan better as de schaa van het bos opzeukn? Dizze hitte is neet an oons bestead. Het grötse gedeelte van de 12 kilometer lange wandeling gung roondom un groot meer, dat was onstoan duur gletsjers in de iestied. Oonderweg zaggn wie natuurlijk völle beume, weinig Pooln en ok völle spoorn van weele vaarkns. Misschien un idee um de volgende keer un barbecue met te nemn?

Dizze beume hadn nate veute…
De paden op, de lanen in, vooruit met ferme pas…
Dit meer is ontstoan in de Iestied duur de terugtrekkende gletsjers
Dizze grote keie passe net neet in’n kattnbak van’n auto…
Un oole Duutse gistfabriek oet begin 1900. Het is oppetrökn in de vorm van un kasteel, dat was toen in de mode bie de architectn.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *