31 oktober 2022 – De vuilnisboot

Vrogger (eind joarn 70 en doarnoa heel vake herhaald ) ha’j op televisie de wichterserie “de Bereboot”. Vuur de leefhebbers hier de link noar het deuntje ( de tjoen) wat un heeln dag in’n kop blif hangn: tjoen Bereboot . Hier mo’k an deankn toe’k vandage in Utrecht dizze vuilnisboot zagge. Met al die terassen an de Oole Grachte is het inderdoad heel handig um al’n pröttel met de boot op te haaln. Met de vrachwage jaage oe kets vaste in de smalle weenkelströatjes en blieuwe ie trappe op en neer loopn met de zwoare ofvalbäkke. Dan is de vuilnisboot völle makkelijker!

Mear wa’k mie ofvroage, zolln ze noa ofloop nò ok nog un glas limonade dreenkn bie tante Neel in het Zeemanshuis? Of zit den inmiddels in het bejoarnhoes?

Geef een reactie

Het e-mailadres wordt niet gepubliceerd. Vereiste velden zijn gemarkeerd met *