Vanoangd stun der moos met wos op het menu. In het algemeen köj dat wàl good ettn, vuural a’j un heeln dag boetn bint èwes met het zaangn en kloown van hoolt (op zien weus èzeg: ik binne vandage donders an’t kloown èwes 
).
De vrouwe dut echter aait piccalilly oawer de stampot moos. Doar bedaanke ik dan feestelijk vuur. Dat spul zöt er neet oet (gelle drab met harde stukke) en het smaakt ok nog naans noar. Mear ja, zee veendt het lekker en doar mu’k het dan met doon. Ik ette un moos wàl zoonder dat spul.
Ie greuit wàl noa mekaar hen gedurende het huwelijksleawn, mear sommige zaakn bliewt onoverbrugbaar…
Vuur de leefhebber nog de link naar Balkenbriej van Boh Foi Toch. Ok hier wordt èsprökn oawer moos met wors (en het vuur van de leefde) .
Eén antwoord op “4 januari 2020 – Dat zöt er neet oet”