De ni’jste trend op het gebied van bemesting is sleplangn. Deej vrooger nog gewoon giern met un giertank (de ketsplaate) de’j steeds monn vulln bie de mestputte, rechtervoort is het wat ingewikkelder. Un mestinjecteur krig nò alle mest rechtstreeks oet de putte via un lange slange. Bie de putte steet dan un poompe den’n mest noar un injecteur in de weide poompt. De slange kan wàl twee kilometer laank wean. Ie hoowt dan neet mear hen en wier te veurn um u tank te vulln. Vuurdeel is dat het laand meender zwoar wordt belast umdat der meender gewicht op de beande van’n injecteur steet. Ie könt bievuurbeeld eerder mest op natte groond oetveurn. En ie könt ‘n mest ok nog verdunn met extra water woerduur da’j un bettere benutting hebt.
Ie munt natuurlijk wàl good könn veurn, want veur da’j weet zit ie in’n knup met de slange. En aj doar met in’n knup zit, dan kom ie der neet zo makkelijk oet…
