4 mei 2021 – Tjow

Un foto van vandage is un stukke van un column van Arthus van Amerongen den vandage in de kraante stön. De column gung oawer de ‘Beentjes van Sint Hildegard’, un film van Herman Finkers den ofgeloopn wekke un kiekcieferrecord haaln op de televisie. In het kotte stukn  völn mie um dree dinge op woe’k van dache, dat mu’k oe toch eawn zengn…
Allereers de beschrieving van’n film: ‘de weldadige rust die de film uitstraalde’. Doar bi’k het helemoal met eens. Dizzen heanigen  film mu’j gewoon rustig  bekiekn en evt. nog vuur un tweede keer, zoda’j der nog meer oethaalt. Un soort herkauwn, zodatte het oe nog better smaakt.
Het tweede wat mie opväl warn de woordn van’n dichter Werumeus Buning ‘Terwille van de boer die ploegt. Besta de wereld voor!’ Owaer dit gedich  ha’k het ofgeloopn wekke net ehad:  de  ‘Ballade van den boer’. Dit gedich is dus kloarbliekelijk wà bie meer leu bekeand.
Het leste is het woord ‘Tjow’. Dat is ok wier zò mooi plat woord. Tjow hè, doot heanig an. Ik heb het noa ekekn op internet, mear ie zeet het neet vake vuurkomn, alleanig in dizze pagina woer het Twents op reize en op het waark wordt oetelech. Tjow zal dus wal echt iets Neder-Saksisch wean.

4 mei 2021

Geef een reactie

Het e-mailadres wordt niet gepubliceerd. Vereiste velden zijn gemarkeerd met *