Vanmiddag bi’w in meseumboerderieje Erve Hofmans in Heldern noar un tentoonstelling oawer de veraanderingn in de Oaweriesselse landbouw èwes. Un oonderwaarp dat mie nog wà naa trek.
Het resultaat völl oons un betje teangn. Interessante filmpjes, mear wieter weinig te zeen. Te völle ofleiding duur beeld- en geluudanimaties die tegeliekertied wörn offespöld. Kortom, dit kon wà better, umdat dit ok bedoeld is vuur de oole garde den dit allemoal hef mettemaakt.
