5 december 2017 – Sinter Kloas

Vandage stön der un mooi stukn van Gerrit Kraa in de kraante  oawer Sinter Kloas. He haaln hier oondermeer de “Kleine Catechismus van Sinterklaas”van Godfried Bomans en “Oud-Achterhoeksch Boerenleven” (let op de “sch”)  van H.W. Heuvel an. Dat dee mie wier deugd, der gung un aha-erlebnis duur mie hen, Die beuke ma’k aaltied gearne leazen. Elke keer a’k bievuurbeeld gen book in berre te leazen hebben, haal ik wier un book van Bomans van de plaanke um toch een klein stukn te leazen. En A.W. Heuvel is gewoon un standaardwerk dat in genne booknkaste mag ontbrekn (van leu die zich bekommert um de oostelijke tradities).
Oawer het geleuwn in Sinter Kloas zeg Bomans nog dat geleuwn en weatn twee rails bint die evenwijdig noast mekaar loopt en nooit bie mekaar komt. Kleine wichter loopt tegelieke op twee dizze rails, mear op een zeker moment wordt un rail van het geleuwn oppeheaven en blift er aleaning mear het weatn oawer. En doar loopt wie as volwassenen oawer…