Ik heb vandage de neurige vuurbereidingen etröffen. Allereerst he’k mie vanmorn un zak zoolt en un sneeschoewer anneschaft. Dit vuur de verwachte sneedump van kommenden zundag. Zol un horrorweenter van 2021 dan toch plaatveendn? Wie bint er vuurbereid, alhoewel? Miskien mu’k nog wàl un pot rooie vaarve koopn zoda’k in snee un rooin cirkel kanne teekn vuur’n leger-helikopter den oons koomp reddn a’w helemoal bint innesni’jd…
Doarnöast bi’k vandage veerder egoan met project X. Morn is het doarvuur testdag en kaan’k oe hoppelijk wat beeldn loatn zeen van dit zeer geheime project (zelfs de BVD hef belangstelling). Vandage he’k oondermeer un netwerkkabel anneslötn an miene geheime installatie. Vandoar onderstoanden foto, want het luustert nog wàl nauw hoe’j de kabels in’n stekker ansloet. Vuurda’j het weet zit ie opeens op het netwerk van de GGD en köj alle gegevens downloaden…
A’j elken dag un berich van mie wilt leazen mu’j oe abonneern. An de rechterkaante köj zee hoej dat munt doon. En het abonnement kost oe nog gennen rooin ceant…