De oole fietse van de zönne stun al joaren ongebroekt in de schure weg te stoffen. Elke keer a’j wat woln pakkn achteroet de schure, moj de fietse verplaatsen en dan stootn ie en passsant, zoas de Fraansken netjes zengt, oene schenn wier blauw an de trappers. Dus vandage he’k mear beslotn datte weg mos. De beande oppepoompt, un betje met un dook der umhen estoft, en doarna un foto èmaakt vuur Marktplaats. KWW ofwà kiekn wat’t wordt. Nou, dat väl hard met: ik hà binn het uur à dree reacties van meugelijke slachtoffers. Dus zodra R1854 wier lös is, köw van de opbrengst wier un keer oet etn goan. Het geeld mut rolln….
