Vandage bi’w noar Leiden èwes. Reden is dat Joris zien bachelor-diploma van de studie Rechten oetereikt kreeg. En dat is, ondanks deze corona-tieden, wàl un klein feestje weerd. De vrouwe en ik bint doaromme met’n trein offereist noar het verre Leiden. Het leak wàl un soort Tienertoer of in oons geval een 50+ toer! (miskien een idee vuur de NS?)
Noa twee uur wa’w ok al in Leiden arriveerd en bi’w (noa de opgedoane reisindrukken verwaarkt te hemn, dat kriej op oonzen älder) richting zönne ègoan vuur de diploma oetreiking. Dizze oetreiking was zeer minimaal vanwege de corona. Hee kon het diploma ophaaln bie een loket in het KOG (as semi Leiden kenner kan ik oe noe vertelln dat dit het Kamerlingh Onnes Gebouw beteaknt…)
Afijn, noa wat felicitaties en foto’s van de jubilaris bi’w doarna de stad mear innetrökn um onder het genot van ettelijke drankjes en hapjes dit heugelijke feit te viern. Het bleaf nog lange onrustig in Leiden…
Gefeliciteerd!!
Bedankt!