De winde (haagwinde of akkerwinde) begeent nò bie oons te bleuin. Ik heb in’n tuin un paar bamboestökke teangn mekaar annezet zodatte zich doar umhen kan weendn met hoppelijk as eindresultaat een’n grootn bleuienden bos met wat greune blaadjes. Helaas is dat tot nò too nog neet zo, het is een’n grootn greun’n bos met wat pears-blauwe bleumkes. Misskien wordt het de kommende wekn iets better at de zunne wat mear begint te schien’n. Ik hoppe het, want aans is het exit vuur de winde (wexit).
Un bienaam van de winde is “pispötje”. Dat vanwege zienen vorm mear ok um ziene witte kluur. Dat köj op’n ondersen foto good zeen, den’k trouwens in 2007 hebbe emaakt. Ha’k toen àl un vuuroetzeenden blik noar dizzen blog?
