Vandage he’w un heel stukke eleupn langs de ruige kuste van Wales. Het was lekker weer, neet te koold en neet te waarm, het zunke schean, dus wuurumme zo’j dan gen stukn loopn langs de kuste? Achterof wörn het un heel stukke, mear dat moch de pret neet drukkn. Wie leupn oawer het ¨llwybr arfordir Sir Benfro¨ ofwà het ¨Pemberbrookshire coast path¨. Dit waandelpad is un soort Wales Pieterpad, mear dan ruiger, meuilijker en mooier. Het löp langs de hele kuste van Wales en is redelijk bekeand. Het was in één woord prachtig um te loopn! Un hele mooie natuur met völle ofwisseling. Anbeveelnswaardig mog ie ooit in Wales komn.
Nò schealt het ok da´w mooi weer haddn, want bie ´n dikkn daamp zöj der neet zo völle an hemn. Dan mu´j ok nog oetkiekn da´j gennen trad te völle noar leenks of rechts doot, want vuur da´j het weet lig ie oonderan de hoge kliffen in het water te sparteln…
