Begin december bleuit er nog steeds un paar bloomn bie oons in de weide. Un opvallendsten en un meuisen is de margriet. Feitelijks zol den alleanig in het vuurjoar en in’n zommer munn bleuin, mear dizzen löt zich neet duur de keulte ofschrikn en bleuit nò nog volop. Un margriet wön vrogger ok wà gaanzebloome eneumd, want he bleuin as de gaanzen in het vuurjoar de weide ingungn (oppezoch in het Riessens woordnboek van Karel van’n netoares) . Mear de gaanzen raakn in onbroek, en en de bloome kreeg un aandern naam ‘margriet’. Margriet is offeleid van het Griekse woord ‘Margarites’ dat ‘parel’ beteaknt. Woerumme dat ze dizzen naam hebt èkeuzen wèè’k ok neet, mear ik weere wà da’w hiermet wier rieker bint dan da’w zelf dachen…
