Wie bint beazig um het zoad van de veeldbloomn bie mekaa te gaddern. Zo he’w à un bäkn klaprozenzoad (hele fiene zoadjes), un bäkn met korenbloomnzoad en un bäkn met zoad van de weele peen. Het biejnbrood ( biejnstoete?) is nò an de buurte. Dizze plaante bleuit pears en biejn en aandere insecten bint er gek op. Un latijnsen naam is Facelia en dizze plaante kan ok nog gebroekt worn as greunbemester in de landbouw (mear het kost mear an zoad dan dat het an stikstof opleawert). Het is heel geknooi um het zoad good schoone te kriengn, mear an de aandere kaante is het ok wà wier un rustgevend werkje. Gewoon heanig ankötteln en dan koomp het wà of. Ik heb ter tenslotte un heeln weenter nog vuur…
