Vanoangd met het grösmeain kwam ik dizzen heksenkreenk in het gazon teangn. Alle padnsteule die’j hier zeet vormt un boetsten raand van ééne zwamvlokke in’t miln. De padnsteule bint zelf wier de vruchtlichaamn van de schimmeldröa in de groond die zich vanof die zwamvlokke steeds vearder oetbreidt. Het vuurkomn van un heksenkreenk in het gazon is un teakn dat het gazon neet al te gezoond is, mear dat veen ik ok wà logisch noa alle dreugte van vanzommer.
Heksenkreenkn könt oold wönn want in Fraankriek is un heksenkreenk eveundn den àl ongeveer 700 joar oold is en 600 meter in duursnea! Dus den kreenk koomp oet 1300, muj oe eens vuurstelln! At den eens kon kuiern oawer watte hef mettemaakt (mear misskien is leawn van un zwamvlokke wà heel eenzaam…).
Ik zalle vanoangd bie de volle moane in dizzen heksenkreenk eens wat dansjes met’n bezzum maakn, misskien kriew dan wat mear reangn (en meender paddesteule) …
