De vrouwe en ik loopt elken morn un klein stukn in de buurte. Dit doo’w met behulp van de app Ommetje van de Hersenstichting. Den hoold secuur bie hoevear en hoelange da’j loopt. Ie kriengt hiervuur dan peuntn. De keuns is um zovölle meugelijk peuntn te scoorn. En elken dag krie’j un hersenweetje van Erik Scherder te leazen, zoas bievuurbeeld dat de hassens 20 preceant van oene energievuuroad gebroekt. En no’k doaroawer an het noadenkn komme is dat natuurlijk de verkloaring woerumme da’k zo meu binne noa het loopn. Het bint miene hassens die alle energie gebroekt. Ik murre mear iets meender noadeankn….
