8 november 2021 – Stadsboetngrachte

Hier zee’j un gedeelte van de Stadsboetngrachte van Utrecht. Dit was heel vrogger de grachte um de verdediginsmuure van Urecht. In de loop van joarn is ter natuurlijk heel völle veraanderd in Utrecht, de muurn wörn offebrökn enin joarn vieftig van de vurige eeuw wörn de plann èopperd um ok de grachte te dempn en in plaats doarvan un rondweg an te lengn. Gelukkig gung die snode plann neet helemoal duur, mear doar wörn toch un stuk van de grachte èdempt vuur un weg noar Hoog Catharijne en vuur un parkeerterrein. In het begin van dizze eeuw is dat wier annepast en is beslötn dat de weg wier water mos wörn. Dat hele waark is vuurig joar offeroond en nò is ter wier ene grachte roondom het oole centrum van Utrecht. En doar köj dan tusken un middag een mooi stukn loopn, wa’k dan ok vandage hebbe doan…

Geef een reactie

Je e-mailadres wordt niet gepubliceerd. Vereiste velden zijn gemarkeerd met *