Hebt wie wier! Besteld wie un paar steule via Internet, omdat dat zo onmeunig handig is, krie’w eerst te heurn dat er helaas mear een’n stool op vuurroad is. Het systeem gaf wà an dat er meer op vuuroad warn mear kon kloarbliekelijk mear een stool tegelieke an. Vuur’n tween stool mo’w wachen tot juni, dan harn ze ze pas wier. Dus he’w mear beslötn dat er een’n stool wat later koomp. Gelukkig ko’w den aandern direct loatn komn. Den wörn vandage vlot èbrach dus wie warn der blie met. Mear, bie het oetpakkn bleak tot oonze schrik dat dizzen ok neet good was: de rugleuning was antractietkluurig in plaats van lech gries. Dus dizzen geet ook terugge. Dit ontlokkn de vrouwe de volgende oetsproak: klösse! Het bint ok grote klösse!
Aaltied makkelijk, dat bestelln via internet. Dat schealt oe völle weenkeltied.
