Vandage bi’k op zeuk èwes noar’n stroomkabel den aans onder’t hoes noar’n oprit löp. Ik har ongeveer oetemetn woe te zol loopn en heb doar, vol goeie moed, un deep gat egreawn. Mear dach ie dat em konne veendn? Alleanig mear zaand! Elke batse de’k deeper greawn leawern mie nog mear zaand op en gennen kabel! Volgens miene “wetnschoppelijke” inschatting zolle hier wàl munn lingn. Dus dit wordt de kommende wekke nog un biezeundere oetdaging vuur mie. Hoe lös ik dit op zoonder un heeln tuin umme te greawn?
