Het bint wier apatte tiedn want vandage stönn de moane en Jupiter heel dichte bie mekaar. Zo dichte da’k ze met mekaa op één foto konn zettn. Dit is, zoa’j dat zengt in het Engels, “once in a lifetime”, want de volgende keer dat ze wier zo dichte bie mekaa stoat is in 2129. Ik deanke dat wie dat neet mear goat metmaakn. Dus doarumme he’k ter un foto van emaakt as bewies vuur de generatie noa oons den ok ongetwiefeld dizzen blog les. En vuur de duudelijkheid he’k ok mear annegeawn wat de moane is en wat Jupiter is. Want ie weat mear nooit….
