De buule hangt wier strak in’t gelid. De bonn’n en het geeld sind er oetehaald. Kloar vuur de volgende collecte! Iedereene in de kaarke krig ze in de haande, dus dan mangnt ze ok wà nù keer op’n foto! Het Nederlaandse equivalent (foei foei) vuur buul is “buidel”.
Buul kan ok nog “bult” beteekn. Aj bint evaln op oe heuwd kuj un buul kriegn op de keie (of un dikn poes op de plätte).
As leste is buul ok un scheeldwoord. Het beteeknt dan “lamzak”of “mispunt”. Un heel verveelnd iemand neume nù drietebuul. Neet erg flatteus, mear het dekt wà de lading.
