Hieroonder een vuurbeeld van de origineele Twentse deeting of hoe dat rechtevoort ok mag heetn. Dit noar aanleiding van een zogenaamden Nite2Go Color Splash party in discotheek Lucky in Riessen. Volgens mie mut het wa makkelijker können dan mekaar ondergooin met vaarv of met een skoemfeest.
Dit geet as volgt: Ie doot oene beste kleare an, poetst de klompn nog een keer extra wit op, en dan op de dàànsvloere . Bie de harmonicakearls (neumt ze nòò DJ’s) vervolgens de all times favoriete hit de Driekusman anvroangn. Betje nuks zwèèjn met de rökke, schalks oet de oongn kiekn, en dan komt de kearls vanzelf. Hej geen vaarve of zeepskoem mear vuur neurig, de kleare wordt neet smeerig en hooj oe noar afloop ok neet meet te verskeun’n! Miskien aj het nò “Original Twents Wooden Shoes Party2Go4All” goat neumn, wordt het ok nog òpenömn in de evenementnlieste van Lucky.
