Het is de tied van het joar wier: oaweral bleujt de vleerbuske. Grote witte bloomnscharmen tooit de buske. In ‘n haarfst bint dizze skaarme veraandert in trösse zwarte kralln.
Un fleerbos is un nuttigen boom. Ie könt van de bloesem un siroop maakn of ie könt de bloesem zelfs frituurn (in de vetpanne gooin) . Doar stoat op internet genog receptn hier vuur.
Van de täkke köj zelfs nog hooltjes maakn vuur de piele van ‘n pijl en boog (gek da’s gen “piel en boogn” zengt). Zie maakn vrogger ok fluitjes van de täkke, vandoar de term “flierefluiter”.
In’n haarfst goaw owaer op de meer nuttige zaakn, de beazen wordt dan gebroekt vuur jam, hoestdrankjes of vuur alcoholische draankn zoas vleerbeazenwien of beerenburg met vleerbeazenextract. Ie könt de beazen better neet rauw ettn umdat deze (licht) giftig seend. Ko’j wa is un zeern boek van kriengn…
Op vakaansie in de Pruuse kwamn wie völle de term “holunder” teegn in restaurants aw wat te dreenkn woln besteln. De holundersiroop smaakn aaltied wà good mear wie wussen neet van wat vuur fruit dit was. Totdat blèèk dat dit gen fruit was mear vleerbloesem. Toen smaakn het nog better…
