Un bekèènd sprekwoord is “De dood of de gladiooln”. Dit sprekwoord wol ik verààndern in “De dood of de viooln”. De viooln he’k vurige wekke oet un bloomnbak vuur het hoes ehaald omdat ze kets war’n oetebleuid. Doar zat gen leawn mear in, zie warn dood. Mear ja, wat er dan wier in doon? Afrikaan’n? Dan kriek grote probleemn met de wederhelfte. Geraniums? Ok al neet zo good idee. De relatie zol dan nao de knopn viooln goan. Mear gelukkig har ik nog un antal paprikapleantjes stoan en he’k die dur mear innepot. Köw straks mooi achter de paprika’s zitn en noar boetn kiekn. En doarnöast hew straks genog paprika’s um un heeln weenter goulash te ettn.
