De Oost-Indische Kers steet wier volop te bleuin in’n tuin! Aj dizze plàànte un kèèr in tuin hebt èpot, hooj neet bange te wean da’j de kommende joarn zoonder komt te zittn. Want hoewel het un eenjoarige plàànte is, zeejte zich vanzelf oet in roeme mate. In het vuurjoar zeej oaweral de plèantjes de groond oetbuldern. Hoe slechter datte het hef, hoe better datte bleuit!
In teagenstelling tot wat’n naam zeg, koomp dizze bloome neet oet het verre oostn (Indonesie) mear oet miln Amerika. Umdatte dur zo exotisch oetzag dachen de leu datte wà oet Neerlands-Indie mòs komn.
