Engelsen mangt gearne un köpke thèè dreenkn. Wie dreenkt gearne un köpke koffie, mear um de Engelsen neet al te verdreetig te maakn, he’w vandage ok un köpke thèè drunkn op de Engelse maneere. Un cream tea, ofwel thèè met scones, clotted cream en jam. Het smaakn erg lekker mear het vulln nog völle meer…
Mear allereers he’w vanmorn un bezeuk èbrach an un Engelsen landschapstuin, òk àh iets typisch Engels. De Stowe Gardens bint het vuurbeeld èwes vuur alle ààndere landschapsparken in Engelse stijl. Dus völle grösveeldn, groote beume, glooiende hellingen, waterpartiein en Griekse en Romeinse teampels. En wat ok neet ontbrak was natuurlijk het gemilimeterde gazon vuur Stowe house dat volgens mie elken dag wordt èmèèid. Het krig gewoon gen kààns um te greuin.
