Met dit hete wèèr hebt het de varens in’n tuin nog wà zwoar. Òk àl stoat ze onder de beume, zie verdreungt woej bie stoat. En, zo aj àl ongetwiefeld zult wèètn, hebt varens water neurig vuur de voortplanting. Zonder water (un vochtige omgeving) kriej gen nieuwe varentjes. Dus dat het mear gauw mag reangn, aanders he’w volgend joar niks meer onder de beume stoan.
Ie weet natuurlijk òk wà dat varens één van de öldste plààntnsoortn op de aarde bint. Wà veerhonderd miljoen joar oold! Doar bestaot zelfs nog fossiele varens in stèèn. En ie weet dan òk wà dat varens geen zoad vormt, mear spoorn an de oonderkaante van de blààn. Die spoorn valt op de grond en zorgt dan pas vuur de voortplanting. Neet eerder dus.
En aj dizze feitjes nog neet wössen, dan he’j hier wier wat van èleerd…
