Met dit mooie wèèr kuj mooi boetnzittn um te “relaxen”, ofwel het gemak d’ur van nemn. Bie mie ààndere schoonzuster mangt ze dat kloarbliekelijk gèèrne doon, getuuge dizzen tekst in’n boom in’n tuin. Um te vuurkomn dat ze nat wordt at het plotsklaps geet reangn hebt ze dur, met un mooi woord, un “hygrometer” onder èhùngn. Den besteet oet un aantal dannklöte (un ech Eènters woord). At het slof weer wordt dan goat de schubn dichte, bie mooi wèèr goat ze juust wier lös. Zo weej dus aaltied wat vuurr wèèr het wordt en hej het KNMI neet meer neurig.
