Dizze dage is tur de Agrifair in Rectum op het làànd van Hoolbos Bets. Hee zit namelijk in de organisatiecommissie en hij hef zie làànd dit jaor beschikbaar èsteelt vuur dizze tweedaagse landbouwtentoonstelling.
Vandage haj un fokveedag. Mooi um te zèèn. dat gepoets en getrek met de kalver en beeste. Dut me dènkn an vrogger, toekzelf ok zò drok wasse met de kalver en de peenkn vuurn fokveedag. Skeern, wasken en poetsen. Un betje pieteröllie op het zwarte zodat het mooi gung glimn. En wat koj hellig wean op de kalver as ze oe bie het skeern op de veute gingn stoan. En dach ie dan dat ze doarnoa wolln lustern? Verget het meer. Met völle plezeer gung ze oe doarnoa wier op de tene stoan…
Het jeunkn hieronder har het vandage ok neet al te makkeljik. Het kalf dach “ik stoa good en bliewe lekker stoan”. En dat jeunkn meer trekkn… En het kalf meer stoan…Zie bint er later nog wal saamn oetekömn mear of het kalf dit van harte dèè, wèèr ik zo neet.
