‘n Heeln dag an’t knooin èwes met de ofwaskemachiene. Ofwasken met waarm water lukn neet meer, dus de teelders, bordjes en kömkes komt er neet ech schone mear oet. Met alleenig koold water wordt de boele neet ontvet en wordt het neet schone. Eén vuurdeel hef het wà: de tablettn goat nò 75% langer met, umdat ze neet oplöst. En ie kuiert natuurlijk völle meer met mekaar (deepzinnige gesprekn) aj samen ofwasket en ofdreungt.
Dus het apparaat oet het köknblòk èhaald en van oondern lösèhaald. En probeert dan mear de oorzaak te veendn tussen alle dröa en slengskes.
Mear um un lang verhaal kort te maakn, Ik heb wat dröaks en slengskes lössehaald, schoonemaakt en wier opnieujs anneslötn, de machiene wier dichtemaakt en teruggeskèuwn in het köknblok, en voilà, hee dreeit wier as un zunke!
Alles wordt wier ontvet, de vaatwastablettn vleegnt er duurhèn en wie hebt gen tied mèèr vuur deepzinnige gesprekn oonder het ofwasken.
