Het was vandage wisselvalig wèèr, dat küj wà zeen op onderstoanden foto. Het zöt ur nog wà biester oet!
Toek dizzen boangstoanden foto maakn, vel mie ooge (en un cameralens) òk op un stel kreain die un buizerd achterna zattn. Un buizerd dreein alle kààntn op, mear de kreain bleawn dur achteran vleengn. Dat doot ze wà vaaker, mear vandage wàn ze wà heel fanatiek.
Wat ok interessant is um te zeen is dat un buizerd grootndeels wit is. Ik heb het noa èzoch en het blik dat buizerds in Nederlàànd in de kleurn van lech tot doonker kùnt vuurkomn. De witte soortn komt neet oet de noordelijke strekn, ai dat mochen dèènkn. Oetèèndelijk is de achtervolging duur de kreain èstopt. Ik wèèt echter neet wuurumme de kreain aaltied zo fanatiek op un buizerd bint. Dat za’k nog un keer noazeukn.
