Miene roobèètn bint nàà depressief vandage, want zie loat un kop met de blaan helemoal hangn. Zie bint “terneergeslagen” ofwel zie hebt het “zwoar in’n kop”. Ik heb ze doarumme mear gauw un betje water ègeewn met Prozac. Miskien fluurt ze doar wier vanop! Of zoln ze dur teegn opzeen dat ze tookn wekke oet de groond munt? Het vuuroetzich dat ze mie zoln kokn en langs ne raspe zoln haaln, zol mie ok neet ech blie maakn… Wie zult is ofwachen of de behandeling met water anslöt!
De tomaatn hebt doarentegen gen las van depressiviteit. Zie loat de moodveern nog neet hangn, zoaj dat zengt in het Tweants. Fris en fluurig hangt ze nog an de struuke, zich neet bewust van volgende wekke. Want volgende wekke ist vuur eur ok bekekn. Zie wordt weliswaar neet èkokt en èraspt mear zie goat gewoon rauw duur’n sloat.
Dat wordt weer smikkelen en smullen, hatsekidee!
