Vanaf vandage weerik hoe’k rieke murre wörn! Teangn aongd an begint bie oons namelijk onmeunig te reangn. Un haarfst wil kloarbliekelijk toch zinnen entree maakn.En umdat de zunne ok nog krampachtige pogingen dèè om un lessen dag van zommer (boang de dartig groan) vaste te hooln, krèèw un heeln mooin reangnboog te zeen. En zoas ie ongetwiefeld zult weetn, lig an’n èène van’n reangnboog un heeln grootn pot met goold begreawn. Now weer ik dus toevallig woer den pot is begreawn. Ik dèènke da’k morn mear eawn noa de Lis (de buurn) hengoan um te vroangn of ik un klein stukn met de batse op ziene groond magge greawn. Ik zalle dan wa zeng da’k archeologisch onderzeuk doore en dat ik verwache weinig te veendn. A’k wat veene magge ok un klein betje met’n voons metdeeln (vief euro zat ik an te deankn). En dan bint wieleu vanaf volgende wekke op un super de luze wereldreize met Baobab reizen. Doar harre ik nog un vuurdelige anbieding van zeen stoan. Ik mosse wà vuuroet betaaln, mear dat geet ongetwiefeld good! Toch?
