Dag 256 – Nachtelijke stoorzenders

He’j dat soms ok? Lig ie net lekker in berre, valle ie hoaste in sloap en plotseling heuj un soort geritsel um de laampe of achter de gedienn. Neet hard, mear net genog um oe oet un sloap te haaln en um oe te loatn prakkezeern wat dat zol wean. Inbrekkers? Ie stoot de vrouwe an en vroangt of den ok wat heurt.  Mear ja, dan is het wier eawn stille. Het lik wà loos alarm. Eawn later heur ie dan un fladderend gezoem um oe heuwd Met un paar krampachtige pogingen probeer ie het fladderend geval van oe heawd weg te houwn, wat natuurlijk neet lukt…. Ie knipt het lech an, en wat blik, het is un langpootmugge!  Isse Iel! (favoeriete oetdrukking van mien neefje)
Het is er de tied van het joar wier vuur. Ie zeet ze nò oawerà zittn en ‘s aongds fladdert ze noar binn’n hen um oe oet’n sloap te haaln. Noa het geploag van de mungn hej nò de ploage van de langpootmungn! Binne benieuwd wat doar wie noa koomp…

Dag256

2 antwoorden op “Dag 256 – Nachtelijke stoorzenders”

Geef een reactie

Het e-mailadres wordt niet gepubliceerd. Vereiste velden zijn gemarkeerd met *